Kafedra mudiri

Rayimjonova Odinaxon

Tel: (8373) 226-82-59, +998902312244

E-mail: rodinaxon75@mail.ru

 

 

Kafedra tarixi

       Telekommunikatsiya injiniringi  kafedrasi 2008 yil tashkil etilgan. 2008 -2009 yillar fizika-matematika fanlari nomzodi Z. Xaydarov, 2009-2010 yillar katta o’qituvchi U. Iskandarov, 2010-2013 yillarda  texnika fanlari nomzodi, dotsent O.Qo`ldashev, 2013-2014 yillari kafedra mudiri vazifasini bajaruvchi etib katta o’qituvchi A. Abdullayev, 2014-2016 yillari katta o’qituvchi U.Iskandarov, 2016-2019 yillari dotsent N.M.Jurayev, 2019 yil mart oyidan Texnika fanlari nomzodi, dosent O.Qo’ldashovlar mudirlik lavozimlarida faoliyat olib bordilar. 2019 yil sentyabr oyidan boshlab, Texnika fanlari bo’yicha falsafa doktori (PhD) O.S.Rayimjonova kafedra mudiri lavozimida faoliyat yuritib kelmoqda. Kafedra o`z faoliyati jarayonida O`zbekiston Respublikasi axborot texnologiyalari va kommunikatsiyalarini rivojlantirish vazirligi Farg’ona viloyati hududiy boshqarmasi, “O’ZBEKTELEKOM” aktsiyadorlik kompaniyasi Farg’ona, Andijon, Namangan filiallari, Elektromagnit moslashuv markazi, Andijon radioteleuzatish markazi, TTT filiali 2-bog’lanmasi bog`lanmasi kabi korxonalari hamda Farg’ona shahar Aloqa kolleji, Farg’ona kompyuter texnologiyalari kasb-hunar kolleji, Oltiariq Maishiy kasb-hunar kollejlari bilan hamkorlik aloqalari yo’lga qo’yilgan. Hozirgi kunda kafedra “5350100-Telekommunikatsiya texnologiyalari”, “5330500-Kompyuter Injiniringi”, “5330600-Dasturiy Injiniring” “5350400-Axborot kommunikatsiya soxasida kasb ta’limi”, “5330300-Axborot Xavfsizligi” bakalavr yo`nalishlari talabalariga 28 dan ortiq fanlardan va 5A350101-Telekommunikatsiya Injiniringi magistratura mutahasisligi talabalariga 4 ta fandan dars mashg’ulotlari olib boriladi. Kafedrada ta`lim va ishlab chiqarish jarayonining uyg`unligiga erishilgan. Ishlab chiqarishda katta tajribaga ega o`qituvchlar va ilmga chanqoq, ilmiy izlanishlarga layoqatli yosh o`qituvchilarning birgalikdagi faoliyati, ayniqsa, talabalarga yangi innovatsion texnika va texnologiyalarni o’zlashtirishida yahshi natija bermoqda. Kafedra “5350100-Telekommunikatsiya texnologiyalari” bakalavr yo`nalishi bo`yicha yosh kadrlar tayyorlashga ma`sul, chiqaruvchi kafedra hisoblanadi. Uchbu bakalavr darajasini olgan bitiruvchilar iqtisodiyotning barcha sohalarida, ayniqsa telekommunikatsiya sohasida ishlab, vatanimiz rivojiga o`zlarining hissalarini qo`shmoqdalar. Kafedraning moddiy-texnik  bazasi yildan yilga mustahkamlanib bormoqda. Hozirgi kunda kafedrada “Elektronika va sxemalar”, “Elektr zanjirlar nazariyasi”, “Optik aloqa tizimlari” va “Mikroprotsessorlar” kabi fanlaridan amaliyot mashg`ulotlari va laboratoriya ishlarini o`tkazish uchun Rossiya Federatsiyasining Sankt-Peterburg shahridan keltirilgan zamonaviy stend va jihozlar, “Telekommunikatsiya tarmoqlari”, “Keyingi avlod konvergent tarmoqlari”, “Simsiz aloqa tizimlari va dasturlari”, “Signallar va tizimlar”, “Telekommunikatsiyada operatsion tizimlar”, “Taqsimlangan tizimlar” va boshqa fanlardan amaliyot mashg`ulotlari va laboratoriya ishlarini o`tkazish uchun soha korxonalaridan olib kelib o`rnatilgan qurilma va jihozlar mavjud. Kafedrada ilmiy ishlar va izlanishlar ham keng yo`lga qo`yilgan. 2019 yilda kafedra katta o`qituvchlari O. Rayimjonova TDTU professori Yu. Shipulin rahbarligida “Nazorat va boshqarish sistemalari uchun gaz oqimlarining parametrlarini gibrid o’zgartirgichlarini takomillashtirish”, R.Nurddinova FarPI professori A.M.Kasimoxunova boshchiligida “Generator tipidagi fotoqabul qilgich qurilmasini yaratish” mavzularida doktorlik dissertatsiyalarini himoya qildilar. Kafedra assistenti N.Mamasodiqova TDTU professori I.X.Siddiqov rahbarligida “Moy ekstraksiyalash jarayoni texnologik parametrlarini avtomatlashtirilgan monitoring tizimi” mavzusida ilmiy ish olib bormoqda. Kafedra professor – o‘qituvchilari respublika va xalqaro uslubiy seminarlar va anjumanlarning ishlarida faol qatnashib kelmoqda,  hamda, yangi innovatsion texnologiyalar sohasida o’z izlanishlarini olib bormoqdalar. Teleommunikatsiya injiniringi kafedrasi professor o’qituvchilari tomonidan o’qitiladigan 32 ta fanlarning o’quv uslubiy majmualari, ma’ruza, amaliy va laboratoriya mashg’ulotlaridan uslubiy ko’rsatmalar zamon talablari bo’yicha tayyorlanmoqda va axborot resurs markaziga ushbu fanlar o’tiladigan adabiyotlar bilan boyitib kelmoqda.

Kafedra oldidagi vazifalar

Telekommunikatsiya injiniringi kafedrasining jamoasi oldida turgan asosiy vazifalardan biri zamonaviy telekommunikatsiya uskunalariga xizmat ko’rsatuvchi, raqobatbardosh, yetuk kadrlarni yetishtirish, o’quv, o’quv-uslubiy, ilmiy-tadqiqot, ma’naviy-ma’rifiy ishlarni olib borish vazifasi qo’yilgan. Hozirda kafedrada 1nafar fan doktori, 2 nafar fan nomzodi, 3 ta dotsent, 4 nafar katta o’qituvchi, 7 nafar assistentlar faoliyat olib bormoqda.

 

Kafedra mas’ul yo’nalish va mutaxassisliklar:

Ta’lim yo’nalishlari:

 

5350100 – Telekommunikatsiya texnologiyalari

5A350101 – Telekommunikatsiya injiniringi

Kafedrada o’qitiladigan fanlar ro’yxati

  1. Telekommunikatsiya tarmoqlari
  2. Telekommunikatsiya tarmog‘ini boshqarish asoslari
  3. Simsiz aloqa tizimlari
  4. Optik aloqa tizimlari
  5. Ma’lumot uzatish tarmoqlari va tizimlari
  6. Elektronika va sxemalar 1
  7. Elektronika va sxemalar 2
  8. Axborot nazariyasi va kodlash
  9. Axborotlarni uzatish muxitlari va qurilmalari
  10. Simsiz aloqa tizimlari va dasturlari
  11. Mobil tizimlar
  12. Axborot va kodlash nazariyalari
  13. Tarmoqni dasturlash asoslari
  14. Telekommunikatsiyada operatsion tizimlar
  15. Tarmoq protokollari
  16. Hajmli televideniya texnologiyalari
  17. Taqsimlangan tizimlar
  18. Mikroprotsessor
  19. Ma’lumot uzatish tarmoqlari va tizimlari
  20. Akumlyatorlar
  21. Aloqa tizimlarini modellashtirish va simulyasiyalash
  22. Mutaxassislik  tanlov  fani
  23. Telekommunikatsiyada dasturlash strukturasi
  24. Keng polosali tarmoqlar
  25. Dasturiy konfiguratsiyalanadigan tarmoqlar
  26. Metrologiya standartlashtirish va sertifikatlashtirish
  27. Tarmoq xavfsizligi
  28. Signallarga raqamli ishlov berish

Kafedra professor-oqituvchilar ro’yxati

  • Rayimjonova Odinaxon Sodiqovna – kafedra mudiri
  • Umaraliev Nurmamat – dotsent
  • Djalilov Baxromjon Odiljonovich – texnika fanlari nomzodi
  • Jo‘rayev Nurmaxamad Mamatovich – katta o‘qituvchi
  • Iskandarov Usmonjon Umarovich – katta o‘qituvchi
  • Turgunov Bekzod Abduvositovich – katta o‘qituvchi
  • Xalilov Muxammadmuso Muxammadyunusovich – katta o‘qituvchi
  • Mamasodiqova Nodiraxon Yusufjonovna – assistent
  • Tillaboev Azamjon Anvarovich – assistent
  • Dalibekov Lochinbek Rustambekovich – assistent
  • Jo‘raeva Gulnoza Fazliddinovna – assistent
  • Ergashev Shaxboz Umarali o‘g‘li – assistent
  • Komilov Abdullajon Odiljon o‘g‘li – assistent
  • Turdiaxmatov Abdulaziz Abdusalomovich – assistent

O’rindosh professor-oqituvchilar ro’yxati

  • Otajonov Salimjon – professor
  • Mamasodiqov Yusufjon – dotsent
  • Qo’ldashov Obbozjon – dotsent
  • Nurdinova Roziyaxon – texnika fanlari bo’yich falsafa doktori (PhD)

Kafedraning ilmiy-tadqiqot faoliyatining ustuvor yo’nalishlari

“Nazorat va boshqarish sistemalari uchun gaz oqimlarining parametrlarini gibrid o’zgartirgichlarini takomillashtirish” (O. Rayimjonova)

“Moy ekstraksiyalash jarayoni texnologik parametrlarini avtomatlashtirilgan monitoring tizimi” (N.Mamasodiqova).

 “Optik tolalarda interfensiya xosil qilish orqali nazoratlash monitoringlash uslublarini ishlab chiqish” (M.Xalilov).

“Optik aloqa tizimlarida lazer nurini stabilligini ta’minlovchi qurilmani yaratish va tadbiq qilish” (L.Dalibekov)

Anomal foto kuchlanish jarayonini tadqiq qilish (N.Jo’raеv)

“Isslеdovaniе distantsionnogo lazеrnogo mikrofona dlya informatsionnoy razvеdki” (U. Iskandarov)

“Quyosh energiya qurilmalari uchun energiya tejaydigan kuchlanish invertorlarini yaratish va tadqiq etish” (G.Jo’rayeva)

“Texnologik jarayonlarni masofadan boshqarish tizimlarini loyixalash va tadqiq etish” (Sh.Ergashev)

                               Kafedrada olib borilayotgan ishlar                                                                                         

Kafedra dotsenti N.Umaraliev raxbarlik qilayotgan ilmiy tadqiqot laboratoriyasida zamonaviy telekommmunikatsiya texnik vositalari hamda servis xizmatlari asosida avtomatlashtirilgan o‘lchov nazorat qurilmalari hamda distansion monitoring uchun dasturiy texnik vositalar yaratish bo‘yicha ilmiy izlanishlar olib borilmoqda.

Kafedra professor o‘qituvchilari tomonidan BA5-035 raqamli shartnomaga asosan “Zaryadlangan zarralar oqimi detektorini tadqiq etish va uning asosida er silkinishlarini bashorat qilish uchun o‘lchov axborot kompleksini yaratish” mavzusida boshlangan ilmiy tadqiqot ishlari davom ettirilmoqda. Shu loyiha doirasida tayyorlangan ssintilyasion detektorlar kompleksi (1 rasm) TATUFF binosida va TATU Samarqand filiali binosiga o‘rnatilib, hozirda sozlash va moslash ishlari olib borilmoqda. Bu ilmiy ishlar respublika olimlari o‘rtasida katta qiziqish uyg‘otgani quyidagi tasvirlada ifodalangan.

1 rasm. ssintilyasion detektorlar kompleksi

Xo’jalik shartnomalari

Kafеdrada “O’zbеktеlеkom” AK Farg’ona filiali, “O’zbеktеlеkom” AK Andijon filiali, “O’zbеktеlеkom”AK Namangan filiali, «Uzbеktеlеkom» AK TTT filiali ShMATB -2 korxonalari bilan shartnomalari mavjud. Yo’nalishning bakalavriat bitiruvchilari bitiruv malakaviy ishlarining 60% dan ko’prog’iga ilmiy rahbar sifatida soha korxonalari malakali mutaxassislari jalb qilindi.

 

 

Darslik va o’quv qo’llanmalar yaratish

N.M.Juraev, «Tеlеkommunikatsiya uzatish tizimlariga tеxnik xizmat ko’rsatish»

N.M.Juraev, B.A.Turgunov «Keng polosali telekommunikatsiya tarmoqlariga texnik xizmat ko’rsatish va loyihalash» nomli o’quv qo’llanma.

B.A.Turgunov «Tеlеkommunikatsiya tizim va tarmoqlarini modеllashtirish asoslari»  nomli o’quv qo’llanma.

N.M.Juraev, B.A.Turgunov «Keng polosali tarmoqlar» nomli o’quv qo’llanma

N.M.Juraev «Tolali optik aloqa tizimlari va tarmoqlariga texnik xizmat ko’rsatish»