O’zbek tili va adabiyoti kafedrasi

Kafedra mudiri:

Ganieva Dildora Azizovna

Tel: +99899 998 19 86

Email: dganieva86@gmail.com

Kafedra haqida: tarixi, faoliyat yo’nalishlari

O’zbek tili va adabiyoti kafedrasi 2019-yil 22-noyabrda shu nom bilan atala boshladi. Ungacha kafedra “Gumanitar fanlar va xorijiy tillar” deb nomlangan va u  2019-yil 31-avgustda “Gumanitar va ijtimoiy fanlar” kafedrasi hamda “Tillar” kafedrasi qo’shilishi bilan tuzilgan. Gumanitar va ijtimoiy fanlar kafedrasi 2005-yil tashkil etilgan. 2005-2019-yillarda  tarix fanlari nomzodi U. Saliev, falsafa fanlari nomzodi, dotsent N.Usmonov, falsafa fnlari nomzodi  SH.Holmatov, iqtisod fanlari nomzodi G.Mahmudova, I. Rustamovlar kafedra mudiri lavozimida ishlaganlar.  Tillar kafedrasi 2010-yil 13-dekabrda tillar va sport kafedrasi nomi bilan tashkil etilgan. 2012-yil 6-iyuldan tillar kafedrasi nomi berildi. Dastlabki kafedra mudiri sifatida filologiya fanlari nomzodi, dotsent Y.Saidov 2010-2011-yillarda rahbarlik qilgan.  2011-2012-yillarda pedagogika fanlari nomzodi dotsent Y.Ismoilov va 2012-2019-yillarda katta o‘qituvchi N.Qurbonov rahbarlik qildi. Hozirda filologiya fanlari nomzodi, dotsent  D. Ganieva kafedra mudiri lavozimida faoliyat yuritib kelmoqda. Kafedra bakalavriatning barcha ta’lim yo‘nalishlarida ma’ruza va amaliy mashg‘ulotlar olib boradi. Kafedra a’zolari 16 ta professor-o‘qituvchilar, shuningdek, 1 ta kabinet mudiridan iborat. Professor-o‘qituvchilardan 1 nafari kafedra mudiri, 1 professor, 2 nafari dotsent, 6 nafari katta o‘qituvchi,  6 nafari assistent lavozimida ishlaydi.

Kafedrada TATU, FarDU, FarPI, Toshkent tibbiyot instituti Farg‘ona filiali, ADU va NamDUning gumanitar fanlar, tillar, jismoniy tarbiya va sport kafedralari bilan hamkorlik o‘rnatilgan.

Kafedrada ilmiy-tadqiqot va ilmiy-uslubiy ishlar yo‘lga qo‘yilgan. Kafedra professor-o‘qituvchilari yangi pedagogik texnologiyalar ishlab chiqish, samarali o‘qitish uslublarini joriy etish mavzularida ilmiy-tadqiqot ishlarini olib bormoqdalar hamda kafedra a’zolari xalqaro, respublika va filial miqiyosida o‘tkaziladigan ilmiy-amaliy konferensiyalarda o‘z maqola va tezislari bilan qatnashib kelmoqdalar.  Bundan tashqari kafedraning barcha professor-o‘qituvchilari malaka oshirish kurslarini o‘tab kelgan.

Kafedrada ilmiy-uslubiy seminar har o‘quv yilida reja asosida ish olib bormoqda. Kafedraning ilmiy-uslubiy seminarlarida uslubiy ko‘rsatmalar, ilmiy maqolalar, yangi pedagogik texnologiyalarni o‘rganish va ta’lim jarayonida qo‘llash masalalari ko‘rib chiqilgan va bu o‘z samarasini bermoqda.

Kafedrada iqtidorli talabalar bilan ishlashga alohida e’tibor qaratilgan. Har bir fan o‘qituvchisi tomonidan iqtidorli talabalar jalb qilingan bo‘lib, ularga amaliy yordam ko‘rsatilmoqda. Bundan tshqari kafedrada o‘qitiladigan fanlar bo‘yicha to‘garaklar tashkil qilingan va haftada bir marta har bir fandan amaliy mashg‘ulotlar o‘tkaziladi. Ushbu to‘garaklarga talabalarning qiziqishlari katta.

Kafedrada o‘qitiladigan fanlar:

Bakalavriat ta’lim yo‘nalishi bo‘yicha

  • Ingliz tili;
  • Akademik yozuv;
  • O’zbekiston tarixi;
  • Biznesni boshqarish jarayonlari;
  • Falsafa;
  • Dinshunoslik;
  • Fuqarolik jamiyati,
  • Milliy g’oya: O’zbekistonning ijtimoiy-iqtisodiy rivojlanish strategiyasi
  • Jismoniy madaniyat

Kafedrada olib borilayotgan ilmiy-tadqiqot ishlari

Kafedra ilmiy-tadqiqot faoliyatining ustivor yo‘nalishlari quyidagicha:

  1. Fuqarolik jamiyatida ijtimoiy boshqaruv madaniyatini shakllantirishning hususiyatlari;
  2. Zamonaviy biznes boshqaruvi tamoyillari;
  3. Til o‘rganish va til o‘qitishning yangi pedagogik texnologiyalari rivojlanish tendensiyalari;
  4. Barkamol avlod tarbiyasi: yondashuvlar, muammolar yechimlari va asosiy omillar;
  5. Yoshlar siyosiy madaniyati, uning shakllanish tendensiyalari;
  6. Bozor iqtisodiyoti sharoitida jamiyatning iqtisodiy rivojlanishi.