Farg’ona “Avtooyna” mas’uliyati cheklangan jamiyatiga TATU Farg’ona filiali “Iqtisodiyot va kasb ta’limi” kafedrasi mudiri J.Otajonov, kafedra professori O. Nazarmatov, kafedra assistenti o’qituvchisi D.Urinboyeva hamda iqtisodiyot yo’nalishi talabalari tomonidan tashrif amalga oshirildi.
Ochiq eshiklar kuni davomida talabalar “Avtooyna” mas’uliyati cheklangan jamiyatining ishlab chiqarish boʻlimlari bilan yaqindan tanishdilar. Ularning xavfsizligi ta’minlangan holda ishlab chiqarish jarayonining har bir bosqichi va uning ishlash printsplari o’rganildi. Talabalar jarayonni katta qiziqish bilan kuzatib, o’zlarining ko’plab savollari bilan qatnashdi.
Shuningdek, tashrif davomida tashkilot rahbariyati bilan bir nechta muhim masalalar bo’yicha dastlabki kelishuvlarga erishildi. Bu tashrif talabalar uchun juda foydali va ilmiy tajriba oshirishga imkon yaratdi.
