Fargʻona viloyatida turizm sohasining rivojlanishiga alohida e’tibor qaratilmoqda. So‘nggi yillarda viloyat hokimi oʻrinbosari Xurshidjon Axmedov yoshlar bilan alohida uchrashib ularning fikri va tashabbuslarini amaliyotga tadbiq etishda jonbozlik koʻrsatmoqda. Joriy yilning 13-mart kuni X.Axmedov TATU (Toshkent axborot texnologiyalari universiteti) talabalari bilan uchrashib, turizmni rivojlantirishga qaratilgan yangi innovatsion loyihalar bilan tanishdi.
✅ Tadbir davomida TATU talabalari tomonidan taqdim etilgan loyihalar, ayniqsa, turizm sohasidagi servis xizmatlarini raqamlashtirishga qaratilgan ishlanmalar muhim ahamiyat kasb etdi. Loyihalar, o‘zining innovatsion yondashuvi bilan ajralib turib, turizm sohasidagi xizmatlarni raqamli platformalar orqali yanada samarali va qulay qilishni maqsad qilgan.
🌐 Viloyat hokimi oʻrinbosari, Xurshidjon Axmedov talabalarning yaratgan loyihalarini yuqori baholadi va ularning amaliyotga joriy etilishi hamda ommaga keng targ‘ib qilinishi kerakligini ta’kidladi. Bu kabi tashabbuslar nafaqat Farg‘ona viloyatining turizm infratuzilmasini yaxshilash, balki butun O‘zbekistonning turizm sohasida global raqobatbardoshligini oshirishga xizmat qiladi.
✅Turizm sohasidagi raqamli transformatsiya loyihalari nafaqat sayyohlarni, balki xizmat ko‘rsatuvchi tashkilotlarni ham yangi imkoniyatlar bilan ta’minlaydi. Ushbu yangi tizimlar yordamida turistlar uchun qulay xizmatlar, onlayn rezervatsiya tizimlari, yo‘l-yo‘riq ma’lumotlari va boshqa ko‘plab raqamli imkoniyatlar yaratiladi.
🗣Shu bilan birga, viloyat hokimi oʻrinbosari bu loyihalarga to‘liq qo‘llab-quvvatlash va kerakli yordamni ko‘rsatish uchun barcha zaruriy choralarni ko‘rishga va’da berdi. TATU talabalari tomonidan ishlab chiqilgan ushbu innovatsion yondashuvlar, albatta, Farg‘ona viloyatining turizm sohasida yangi bir bosqichni boshlab beradi.
Umuman olganda, turizm sohasidagi raqamli infrastrukturani rivojlantirish nafaqat viloyatning iqtisodiy o‘sishiga, balki keng turistik auditoriyani jalb qilishga ham xizmat qilishi kutilmoqda. Bu kabi innovatsiyalar, shubhasiz, Farg‘ona viloyatining turizm sektorini dunyo miqyosida
yanada kuchaytiradi.
