Farg‘ona viloyati Raqamli Texnologiyalar Markazida joriy yilning 20-24 dekabr kunlari IT haftalik bo’lib o’tdi. Ushbu tadbir Farg‘ona viloyati Raqamli texnologiyalar Markazi tashabbusi bilan tashkillandi. Bunda, IT Musobaqalar haftaligi doirasida bo’ladigan Ideaton musobaqasida yoshlar quyidagi yo’nalishlarda qatnashdilar:
- tibbiyot;
- taʼlim;
- ijtimoiy soha;
- turizm.
IT haftaligida iqtidorli yoshlarni aniqlab, ularga oʻzlariga boʻlgan ishonchini shakllantirishga imkon berildi. Bu xayrli ishga oʻz hissasini qoʻshgan homiylar va hamkorlarimizni tashakkur izhor etamiz:
– Yoshlar agentligi
– Fargʼona viloyat hokimligi
– IT Park
– Margʼilon raqamli texnologiyalar markazi
– Innovatsion rivojlanish vazirligi
– ITeach academy
– TATU Fargʼona filiali
– Qoʼqon universiteti
– Royal taxi
– Teamwork milliy frilans platformasi
– Yoshlar kelajagimiz jamgʼarmasi
– Crud group
– Najot taʼlim
– Mohirdev taʼlim platformasi
– Onlinedars
Bunda viloyatdagi bir qancha tashkilotlar homiylik qilishdi. Ushbu homiylar qatorida TATU Fargóna filiali ham faol ishtirok etdi.
Ideaton-bu kelgusida shaxsiy texnologik biznesini yaratish maqsadida bir yoki ikki kun ichida gʻoyani ishlab chiqish va uni minimal hayotiy mahsulotga aylantirishga imkon beruvchi tadbir hisoblanadi.
Joriy yilning 20-dekabr kuni Muhammad al-Xorazmiy nomidagi Toshkent axborot texnologiyalari universiteti Farg‘ona filialida ushbu tadbirlar doirasidagi Ideaton musobaqasi o‘tkazildi.
Ushbu haftalikda TATU Farg’ona filiali Ilmiy ishlar bo’yicha direktor o’rinbosari B.Polvonov, Iqtidorli talabalarning ilmiy-tadqiqot ishlarini tashkil etish bo’limi boshlig‘i A. Salmonov, bo’lim muxandisi A.Abdulxamidov, tanlov komissiyasi tarkibidagi tashrif buyurgan ekspertlar hamda filial professor-o‘qituvchilari, filialning 30 dan ziyod iqtidorli talaba-dasturchilari qatnashdilar.
2022 yilning 24 dekabr kuni Viloyati Raqamli texnologiyalar Markazi IT musobaqalari haftaligining yakuniy taqdirlash marosimi boʻlib oʻtdi. Bunda, o‘quv yurtimiz jamoalari faol qatnashib, quyidagilar bo‘yicha g‘olib bo‘ldilar:
💡Ideaton musobaqasi yoʻnalishlari boʻyicha TATU Fargʻona filiali gʻoliblari:
🔹 614-20 guruh talabasi Isaqjonov Lazizbek, “MIES” loyihasi;
🔹 653-20 guruh talabasi Isroilov Murodjon Ikromjon oʻgʻli, “MNI” loyihasi;
🔹 612-19 guruh talabasi Akbarova Mohigul Asrorjon qizi, “Innovatsion tarzda gazlardan zaxarlanishni oldini olish qurilmasi” loyihasi;
🔹 631-20 guruh talabasi Sobirova Kamola Abduvoxid qizi “Smart oʻt oʻchiruvchi mashina” loyihasi bilan g’oliblikni qo’lga kiritishdilar.
Barcha gʻoliblar tashkilotchilar tomonidan qimmatbaho sovg‘alar va pul mukofotli vaucherlar bilan taqdirlandilar.
