«Yuksalish» harakati Farg’ona viloyat bo‘linmasi va Konrad Adenauer jamg‘armasining O‘zbekistondagi vakolatxonasi bilan birgalikda Farg‘ona viloyatida tashkil etilgan jamoatchilik tadbirlari doirasida, Muhammad al-Xorazmiy nomidagi Toshkent axborot texnologiyalari universiteti Farg’ona filialida talaba yoshlar bilan uchrashuv bo‘lib o‘tdi.
Uchrashuvda Konrad Adenauer jamg‘armasining Markaziy Osiyo bo‘yicha mintaqaviy vakili Andre Algermissen Germaniyada ta’lim tizimi, shuningdek Konrad Adenauer jamg‘armasining faoliyati va iqtidorli talabalar uchun mo‘ljallangan stipendiya dasturi haqida ma’ruza qildi.
Mazkur ma’ruza talabalar orasida qiziqish uyg‘otib, katta munozaraga sabab bo‘ldi. Ishtirokchilar o‘zlarini qiziqtirgan savollarga to‘liq javob oldilar.
