Farg‘ona viloyati Oliy ta’lim, fan va innovatsiyalar boshqarmasi hamda Maktabgacha va maktab ta’limi boshqarmasi hamkorligida o‘tkazib kelinayotgan oliy ta’lim qamrovini oshirish bo‘yicha navbatdagi ko‘rgazmali targ‘ibot tadbiri Rishton tumanida bo‘lib o‘tdi.
Unda TATU Farg’ona filiali vakillari o‘zlari faoliyat olib borayotgan oliygohi to‘g‘risida bitiruvchilarga ma’lumotlar berdilar. Mazkur tadbirda tumandagi barcha umumta’lim maktablaridan o‘quvchi yoshlar ishtirok etdilar.
Mazkur tadbirdan ko‘zlangan maqsad, bitiruvchilarning oliy ta’limga qamrovini oshirish, yoshlarning o‘z qiziqishlaridan kelib chiqib oliy ta’limda to‘g‘ri yo‘nalish tanlashlariga ko‘maklashish, shuningdek, bir joydan turib barcha oliy ta’lim muassasalari to‘g‘risida to‘liq ma’lumot olishlariga imkoniyat yaratishdan iboratdir.
