Prezidentimizning “2022-2026-yillarga mo‘ljallangan “Insonga eʼtibor va sifatli taʼlim yili” da amalga oshirishga oid davlat dasturi to‘g‘risida Farmoniga asosan TATU Farg‘ona filialida davlat-xususiy sheriklik asosida loyiha umumiy qiymati 23.734 mlrd so‘mlik 400 o‘rinli talabalar turar joyini foydalanishga topshirildi.
Farg‘ona viloyati hokimi Xayrullo Bozorov bugun Farg‘ona filialida barpo etilgan talabalar turar joyi foydalanishga topshirish tadbirida ishtirok etdi.
Ochilish marosimida so‘z olgan viloyat rahbari, yurtimizda oxirgi 5 yilda O‘zbekistonda axborot texnologiyalari sohasida ham katta o‘zgarishlar amalga oshirilayotgani va bu butun mamlakat taraqqiyotiga o‘z taʼsirini ko‘rsatganligi haqida aytib o‘tdi.
Shundan so‘ng, viloyat hokimi X.Bozorov talabalar turar joyidagi shart-sharoitlar bilan yaqindan tanishdi.
