Farg‘ona shahrida “Yil ayoli” milliy tanlovining viloyat bosqichi bo‘lib o‘tdi. Unda viloyat hokimining o‘rinbosari – viloyat Oila va xotin-qizlar boshqarmasi boshlig‘i Komila Kavlonova ishtirok etdi.
Muhammad al-Xorazmiy nomidagi Toshkent axborot texnologiyalari instituti Farg‘ona filiali yig‘ilishlar zalida tashkil etilgan tadbirda tanlovning 19 ta shahar-tuman bosqichlarida jami 971 nafar ishtirokchi o‘rtasida g‘oliblikni qo‘lga kiritgan 156 nafar iqtidorli ayollar bellashdilar.
